దసరా పండుగకి తెలుగువారికి షడ్రషోపేత విందులాంటి ‘దూకుడు’, ‘ఊసరవెల్లి’ చిత్రాలు దొరికాయి. ప్రేక్షకులు వాటిని బ్రహ్మాండంగా ఆస్వాదించేశారు. ఇప్పుడు దీపావళి పండుగ రానుంది. దీపావళికి ఈ సారి మన తెలుగు సినిమాలేవీ లేకపోవడం శోచనీయం. సరిగ్గా పండుగరోజు రెండు భారీ డబ్బింగ్‌ సినిమాలు విడుదలవుతున్నాయి. ఒకటి ఉత్తరాది సినిమా అయితే మరొకటి దక్షిణాది సినిమా.
షారుక్‌ ఖాన్‌, అర్జున్‌ రాంపాల్‌, కరీనా కపూర్‌, అర్మన్‌ వర్మ, సంజయ్‌ దత్‌, ప్రియాంకా చోప్రా, సతీష్‌ షా వంటి భారీ తారాగణంతో ఈ నెల 26న దీపావళి పండుగ కానుకగా ప్రేక్షకుల ముందుకు రానున్న చిత్రం రా.వన్‌. ఈ చిత్రంలో ప్రత్యేక పాత్రలో రజనీకాంత్‌ కనిపించనున్నారు. అదేవిధంగా సూర్య, శృతిహాసన్‌లు జంటగా నటించిన ‘సెవన్త్‌సెన్స్‌’ చిత్రం కూడా తెలుగులో ఈ దీపావళికే విడుదల చేస్తున్నారు. రెండు చిత్రాలు కూడా స్ట్రయిట్‌ తెలుగు చిత్రం విడుదల చేసినట్లుగా భారీ ఎత్తున అత్యధిక కేంద్రాలలో విడుదలచేసేందుకు సన్నాహాలు చేయడం విశేషం.
No comments:
Post a Comment